Copón de pequenas dimensións realizado en prata procedente dun taller da localidade alemá de Augsburgo.
A peza susténtase sobre un pé con dúas zonas diferenciadas: unha inferior lisa e outra decorada. Con respecto a esta última, presenta unha decoración con motivos vexetais e tres medallóns con retratos de perfil de emperadores romanos de clara inspiración numismática.
Na súa parte intermedia, o copón mostra un doble nó estructurado a partir de folla de acanto. No corpo superior, gran copa con medallón con seis retratos de perfil, todos eles con certa vinculación histórica e acompañados respectivamente das lendas: “Bruto, Julio César, Cayo Portios, Marcos Marcelo y César Augusto” (Sáez gonzález, 1987: 25). De igual modo, cada medallón aparece separado por motivos vexetais nas seccións intermedias.
Por último, a tapa presenta unha decoración plantexada nos mesmos termos que o resto da peza, ao tempo que mostra un remate en forma de cruza latina de sección poligonal.
Polo demais, compre sinalar que a peza presenta un marcado no pé, no que e posible identificar unha forma de piña e unha letra «Z».
- Chamoso Lamas, M. e Casamar, M. (1980). Museo de Arte Sacro Clarisas de Monforte. Madrid: Caja de Ahorros de Galicia.
- Sáez González, M. (1987). La platería en Monforte de Lemos. Lugo: Diputación de Lugo.
