Inmaculada Concepción

Inmaculada Concepción realizada no primeiro terzo do s. XVII polo artista sarrián Gregorio Fernández. Trátase dunha escultura en madeira policromada que segue un tipo iconográfico creado polo propio artista, e que nos remite a un modelo con correspondencias evidentes ca Inmaculada Concepción da Catedral de Astorga (c. 1626). Así, observamos una Inmaculada coroada, de rostro sereno e en actitude orante, coas mans recollidas sobre o peito. En canto á vestimenta, a imaxe aparece cuberta por un manto celeste de tipo campaniforme con detalles dourados e unha túnica branca con motivos florais de tipo esquemático. Aos seus pes, avanza pisando a un dragón e, na parte traseira, é posible observar a presenza dun fino crecente lunar. 

A imaxe complétase cun resplandor realizado en prata e decorado con estrelas na súa parte externa e querubins na súa banda interior. A peza complétase cunha coroa realizada en prata sobredourada e pedrería engastada, acompañada dun nimbo que repite o esquema de estrellas alternas presente no resplandor.

Todo o conxunto esta soportado por unha peana de madeira de sección cadrada e dous pisos. A policromía mostra unha decoración a partir de formas xeométricas que recorre as catro caras da peza.

En canto a súa datación, pesta obra foi realizada no ano 1629, seguindo o citado modelo da Inmaculada Concepción da Catedral de Astorga (c. 1626), peza prácticamente idéntica á que se describe nesta ficha pero dunha maior envergadura: 190 cm. de altura. Sen embargo, a pesar do evidente desaxuste cronolóxico, a correspondencia entre as dúas obras podería vir dado pola práctica consistente en realizar un modelo previo de menor escala antes de executar a subseguinte peza de grandes dimensións, o cal parece que foi unha práctica habitual por parte deste artista. Polo tanto, é posible conxeturar a existencia sunha Inmaculada de menosres dimensións que a de Astorga nun momento previo.